Official Site of The State of New Jersey

ભાષા ઍક્સેસ સંબંધિત પ્રયત્નો અને સેવાઓ અંગે જાહેર જનતા માટે એજન્સી સાથે સંપર્ક કરવાનો શ્રેષ્ઠ માર્ગ એ છે કે LAC નો સંપર્ક કરવો:

• નામ: Lori Howard
• ફોન નંબર: 609-376-3851
• ઇમેલ સરનામું: languageaccess@doe.nj.gov

આ ભાષા ઍક્સેસ યોજના ("યોજના") ન્યુ જર્સીના ભાષા ઍક્સેસ કાયદા, P.L. 2023, c.263નું પાલન કરે છે, જે ન્યુ જર્સીની આપણા રાજ્યના વિવિધ રહેવાસીઓ માટે આપણા સરકારી સંસાધનોને વધુ સુલભ બનાવવાની પ્રતિબદ્ધતાના ભાગ રૂપે છે. કાયદા મુજબ રાજ્ય એજન્સીઓએ ભાષા સહાય સેવાઓ પૂરી પાડવાની અને મર્યાદિત અંગ્રેજી કુશળતા ધરાવતા વ્યક્તિઓ સાથે તેઓ કેવી રીતે વાતચીત કરશે અને મદદ કરવા માટે તેઓ કઈ સેવાઓ પ્રદાન કરશે તે સમજાવતી ભાષા ઍક્સેસ યોજના પ્રકાશિત કરવાની જરૂર છે.

ભાષા ઍક્સેસ યોજના ¹ એ એક દસ્તાવેજ છે જે રાજ્ય સરકારની સંસ્થા ² અને તેના કર્મચારીઓને પૂરી પાડવાની જરૂરી સેવાઓનું વર્ણન કરે છે જેથી મર્યાદિત અંગ્રેજી કુશળતા ધરાવતા વ્યક્તિઓને તેના કાર્યક્રમો, સેવાઓ અને પ્રવૃત્તિઓની અર્થપૂર્ણ ઍક્સેસ મળે.

મર્યાદિત અંગ્રેજી કુશળતા હોવાનો અર્થ એ છે કે વ્યક્તિ પોતાની પ્રાથમિક ભાષા તરીકે અંગ્રેજી બોલી શકતી નથી અને તેની પાસે અંગ્રેજી વાંચવાની, લખવાની, બોલવાની અને/અથવા સમજવાની મર્યાદિત ક્ષમતા હોઈ શકે છે.

આ દસ્તાવેજ નીચેની બાબતો વિશે માહિતી પૂરી પાડે છે:

• અમારી એજન્સી અને અમે જનતા સાથે કેવી રીતે વાતચીત કરીએ છીએ
• મર્યાદિત અંગ્રેજી કુશળતા (Limited English Proficiency, “LEP”) ધરાવતી વસ્તી જેમને અમે સેવા આપીએ છીએ અથવા જેમને સેવા આપવાની શક્યતા છે

તે એ પણ દર્શાવે છે કે કેવી રીતે અમારી એજન્સી:

• ભાષાની જરૂરિયાતો ઓળખે છે
• ભાષા સહાય સેવાઓ પૂરી પાડે છે
• ભાષા સહાય સેવાઓ ઉચ્ચ ગુણવત્તાવાળી હોવાની ખાતરી કરે છે
• ઉપલબ્ધ મફત ભાષા સહાય સેવાઓ વિશે જનતાને માહિતી આપે છે
• ન્યુ જર્સીના ભાષા ઍક્સેસ કાયદાનું પાલન કરવાના અમારા પ્રયાસો વિશે જનતાને માહિતગાર રાખે છે
• LEP ધરાવતા લોકોની સેવા કરવા માટે સ્ટાફને તાલીમ આપે છે
• ન્યુ જર્સીના ભાષા ઍક્સેસ કાયદાનું પાલન કરે છે

1. એજન્સીનું ધ્યેય

ન્યુ જર્સીનો શિક્ષણ વિભાગ (New Jersey Department of Education, NJDOE) ન્યુ જર્સીના તમામ 1.4 મિલિયન વિદ્યાર્થીઓને ઉચ્ચ ગુણવત્તાસભર શિક્ષણની ન્યાયી ઍક્સેસ મળી રહે તેની તેમજ તેઓ શિક્ષણિક ઉત્કૃષ્ટતા પ્રાપ્ત કરે તેની ખાતરી રહે તે માટે શાળાઓ, શિક્ષણવિદો અને જિલ્લાઓને ટેકો આપે છે.

2. અમે જનતા સાથે કેવી રીતે વાતચીત કરીએ છીએ

NJDOE જનતા સાથે NJDOE ની વેબસાઇટ, ન્યુ જર્સી આકારણી પોર્ટલ, ઇમેઇલ, ટેલિફોન મારફતે, રૂબરૂમાં થતી ઇવેન્ટ અને સામુદાયિક પ્રસાર દરમિયાન, શાળા અને જિલ્લાની મુલાકારો વખતે, વિવાદ નિરાકરણ અને અપીલની અરજી દરમિયાન, સત્તાવાર મુલાકાત દરમિયાન તેમજ સાર્વજનિક ટેસ્ટિમની મારફતે ક્રિયાપ્રતિક્રિયા કરે છે.

3. ભાગ લેતી સંસ્થાઓ

એજન્સી-વ્યાપ્ત સહભાગિતા

કાયદા મુજબ રાજ્યની એજન્સીઓ મર્યાદિત અંગ્રેજી કુશળતા ધરાવતી વ્યક્તિઓને ભાષા સહાય સેવાઓ પૂરી પાડે તે જરૂરી છે. આમાં તેઓ જે લોકોને સેવા આપે છે અથવા જે સેવા લેવાની શક્યતા ધરાવે છે તેમની જરૂરિયાતોને ઓળખવાનો સમાવેશ થાય છે, જેમાં લેખિત અને બોલાતી ભાષા, બંનેને આવરી લેવામાં આવે છે.

કાયદા હેઠળ, એજન્સીઓએ મહત્ત્વપૂર્ણ દસ્તાવેજો ³ અને માહિતીનો ન્યુ જર્સીમાં LEP ધરાવતા વ્યક્તિઓ દ્વારા સૌથી વધુ બોલાતી સાત (7) ભાષાઓમાં અનુવાદ કરવો આવશ્યક છે. આ ટોચની સાત ભાષાઓ નક્કી કરવા માટે, અમારી એજન્સી યુ.એસ. વસ્તી ગણતરી ડેટા (અમેરિકન કોમ્યુનિટી સર્વેના ડેટા સહિત) નો ઉપયોગ કરે છે અને ભાષા ઍક્સેસ અમલીકરણ લીડ એજન્સીઓ સાથે પરામર્શ કરે છે.

આ ડેટા અમારી એજન્સીને હાલમાં અમે જે સમુદાયોમાં સેવા આપીએ છીએ અથવા જે સમુદાયોમાં સેવા આપવાની શક્યતા છે તેમની અન્ય ભાષાકીય લાક્ષણિકતાઓને સમજવામાં પણ મદદ કરે છે, જેનાથી અસરકારક ભાષા ઍક્સેસ આયોજન સુનિશ્ચિત થાય છે.

આ યોજનાના સમયે, ન્યુ જર્સીમાં LEP ધરાવતા વ્યક્તિઓ દ્વારા બોલાતી ટોચની ભાષાઓ છે:

1. સ્પેનિશ
2. પોર્ટુગીઝ (બ્રાઝિલિયન બોલી માટે પસંદગી)
3. કોરિયન
4. ગુજરાતી
5. ચાઇનીઝ (મેન્ડરિન અને કેન્ટોનીઝ સહિત) ⁴
6. ફ્રેન્ચ ક્રેઓલ અથવા હૈતીયન ક્રેઓલ
7. અરબી

1. રાજ્ય સ્તરે ટોચની સાત ભાષાઓ ઉપરાંત ભાષાઓનો ઉમેરો

કાયદામાં એ પણ જરૂરી છે કે રાજ્ય એજન્સીઓ મહત્ત્વપૂર્ણ દસ્તાવેજોનો અનુવાદ તેઓ જે વસ્તીને સેવા આપે છે તેના આધારે એજન્સી દ્વારા જરૂરી ગણાતી અન્ય કોઈ પણ ભાષાઓમાં કરે.

LEP ધરાવતા લોકો દ્વારા બોલાતી સાત સૌથી વધુ સામાન્ય ભાષાઓ ઉપરાંત, અમારી એજન્સી અમુક દસ્તાવેજોનો નીચેની ભાષાઓમાં અનુવાદ કરે છે:

• બંગાળી
• હિન્દી
• પોલિશ
• રશિયન
• તેગલોગ
• ઉર્દૂ
• વિયેટનામીઝ

2. દુભાષિયા સેવાઓ માટે ઉપલબ્ધ ભાષાઓ

કાયદા હેઠળ, રાજ્ય એજન્સીઓએ સેવાઓ અથવા લાભો આપતી વખતે એજન્સી અને વ્યક્તિ વચ્ચે તે વ્યક્તિની પ્રાથમિક ભાષામાં દુભાષિયા સેવાઓ પૂરી પાડવાની હોય છે.

3. LEP ધરાવતા લોકો

અમારી એજન્સી સાથે ક્રિયાપ્રતિક્રિયા કરી શકે તેવી LEP ધરાવતી વસતીમાં બાળકો અને યુવા, વિદ્યાર્થીઓ, માતાપિતા, પરિવારજનો, સાંભળકર્તાઓ, અક્ષમતા ધરાવતા વિદ્યાર્થીઓ અને તેમના પરિવારજનો, સામુદાયિક સંસ્થાઓના સભ્યો અને તેમના હિમાયતીઓ, શાળાની બસના કોન્ટ્રાકટરો, માતાપિતા, બહુભાષી વિદ્યાર્થીઓ, સ્થળાંતર કરીને આવેલા પરિવારો તેમજ બેઘરપણા અથવા વસવાટમાં અસ્થાયી હોવાનો અનુભવ કરતા પરિવારોનો સમાવેશ થાય છે.

જ્યારે LEP ધરાવતી વ્યક્તિ અમારી એજન્સીનો સંપર્ક કરે છે, ત્યારે સ્ટાફે નીચેની રીતે ભાષા સહાયની જરૂર છે કે કેમ તેનું મૂલ્યાંકન કરવું જોઈએ (કોષ્ટકો 1–3).

1. મહત્ત્વપૂર્ણ દસ્તાવેજનો અનુવાદ

કાયદા અનુસાર મહત્ત્વપૂર્ણ દસ્તાવેજોનો અનુવાદન કરવો ફરજિયાત છે. P.L. 2023, c.263 મહત્ત્વપૂર્ણ દસ્તાવેજોને “કાર્યક્રમની સેવાઓ અથવા લાભોની ઍક્સેસ, જાળવણી, સમાપ્તિ અથવા તેમાંથી બાકાત રાખવાને અસર કરતા અથવા તે વિશે કાનૂની માહિતી આપતા; કાયદેસર રીતે ફરજિયાત; અથવા કાનૂની અધિકારો સમજાવતા દસ્તાવેજો” તરીકે વ્યાખ્યાયિત કરવામાં આવે છે. અમારી એજન્સી પાસે મહત્ત્વપૂર્ણ દસ્તાવેજોના અનુવાદ માટે નીચેના સંસાધનો ઉપલબ્ધ છે (કોષ્ટક 4).

મહત્ત્વપૂર્ણ દસ્તાવેજોના અનુવાદની પ્રક્રિયા સતત ચાલતી રહે છે. પરિશિષ્ટ 1 માં આ પ્રકાશનના દિવસ સુધી અનુવાદિત થયેલા મહત્ત્વપૂર્ણ દસ્તાવેજોની યાદી આપવામાં આવી છે. આ યાદીની જાળવણી અને સુધારો ઓછામાં ઓછું વર્ષમાં એક વખત વાર્ષિક અહેવાલના ભાગરૂપે કરવામાં આવશે.

2. ભાષા અર્થઘટનની સેવાઓ

અમારી એજન્સી પાસે બોલાતી અથવા સાંકેતિક ભાષાના અર્થઘટન (ઇન્ટરપ્રિટિંગ) માટેની વિનંતિઓ માટે નીચે મુજબના મફત સ્રોતો ઉપલબ્ધ છે (કોષ્ટક 5).

3. વધારાના સુલભતા સાધનો અને સેવાઓ

ભાષા સહાય સેવાઓ સચોટ, ઉચ્ચ-ગુણવત્તાવાળી અને સાંસ્કૃતિક રીતે સક્ષમ છે તેની ખાતરી કરવા માટે, ચાલી રહેલી અથવા આયોજિત પ્રવૃત્તિઓમાં શામેલ છે (કોષ્ટક 7):

અમારી એજન્સી LEP ધરાવતા વ્યક્તિઓને સહાયક સહાય અને સાધનો સહિત જરૂરી ભાષાઓમાં નીચેની રીતે મફત ભાષા સહાય સેવાઓના તેમના અધિકાર વિશે માહિતી આપે છે (કોષ્ટક 8):

ભાષા ઍક્સેસ આયોજન અને અમલીકરણ અંગે LEP ધરાવતા લોકોનું પ્રતિનિધિત્વ કરતા સમુદાય અથવા હિસ્સેદાર સંસ્થાઓ સાથે અમારી એજન્સીની સંલગ્નતા શામેલ છે (કોષ્ટક 9):

P.L. 2023, c.263 અમલમાં લાવવાના કાર્યમાં સંકળાયેલા સ્ટાફ માટે, વાર્ષિક તાલીમમાં નીચેના વિષયો સામેલ હોય છે (ટેબલ 10):

1. વાર્ષિક આંતરિક નિરીક્ષણ

અમારી એજન્સી આ યોજનાનો અમલ કેવી રીતે થઈ રહ્યો છે તે જોવા માટે, P.L. 2023, c.263 સાથેની અનુરૂપતા સુનિશ્ચિત કરવા માટે નીચે મુજબ નિરીક્ષણ કરે છે (ટેબલ 11):

2. આંતરિક રેકોર્ડ જાળવણી

અમારી એજન્સી ભાષા ઍક્સેસ સંબંધિત ડેટાનું સતત ટ્રેકિંગ કરે છે. હાલના ટ્રેકિંગમાં નીચે દર્શાવેલ વસ્તુઓનો સમાવેશ થાય છે [કોષ્ટક 12]: