Division of Medical Assistance and Health Services

Governor Mikie Sherrill • Lt. Governor Dr. Dale G. Caldwell

Gouvènman federal la chanje règleman yo konsènan kimoun ki kalifye pou NJ FamilyCare apati Otòn 2026. Chanjman règ sa yo fè pati "Yon Gwo Bèl Pwojè Lwa (One Big Beautiful Bill Act)" ke Prezidan Trump te siyen nan mwa Jiyè 2025. Nouvo règ sa yo pa aplike pou tout moun. Enfòmasyon sa yo eksplike ki manm ki ka afekte e kijan yo ka prepare yo.

Ki règ k’ap chanje & kilè?

Apati 1ye Oktòb 2026:

  • Gen kèk imigran ki pa sitwayen ki ka pa kalifye pou NJ FamilyCare ankò.

Apati 1ye Janvye 2027:

  • Kèk adilt ki gen laj 19 a 64 lane ap oblije travay, fè volontarya, oswa al lekòl pou yo kenbe asirans yo oswa kalifye pou NJ FamilyCare. Sa rele "angajman kominotè.” Manm sa yo dwe renouvle pwoteksyon yo chak 6 mwa tou (olye de chak 12 mwa).
  • Gen lòt adilt ki gen laj 19 a 64 an ki ka egzante de obligasyon pou travay, fè volontarya, oswa al lekòl, men yo ka toujou oblije renouvle pwoteksyon yo chak 6 mwa.

NJ FamilyCare ap kontakte w’ nan otòn 2026 avèk plis enfòmasyon si chanjman sa yo aplike pou ou. Nouvo règ yo ka afekte pwoteksyon ou apati dat ki endike anba a.

1 Oktòb 2026

Gen kèk imigran ki pa sitwayen ki ka pa kalifye pou NJ FamilyCare/Medicaid ankò.

Moun ki pa sitwayen ameriken ki ka kontinye kalifye yo gen ladan: Moun ki pa sitwayen ameriken ki gen dwa PA ka kontinye kalifye gen ladan:
  • Rezidans pèmanan legal pou omwen 5 lane (kalkile apati dat ki sou kat vèt la)
    • Remak: Gen kèk Rezidan Pèmanan Legal ki ka pa oblije tann 5 lane— tanpri gade plis detay anba a.
  • Patisipan Kiben/Ayisyen yo
  • Imigran Akò Asosyasyon Lib (COFA)
  • Timoun ki poko gen 19 lane
  • Moun ki pa sitwayen legalman prezan epi ki:
    • Ansent, oubyen
    • Mwens pase 21 lane
  • Refijye yo
  • Moun ki resevwa azil
  • Moun ki sou pwogram imanitè
  • Viktim vyolans domestik oswa trafik moun

Si ou nan youn nan gwoup sa yo epi ou te ajiste estati Rezidan Pèmanan Legal la, ou ka toujou kalifye – tanpri gade plis detay anba a.
Moun ki pa sitwayen ameriken ki ka kontinye kalifye yo gen ladan: Moun ki pa sitwayen ameriken ki gen dwa PA ka kontinye kalifye gen ladan:
  • Rezidans pèmanan legal pou omwen 5 lane (kalkile apati dat ki sou kat vèt la)
  • Moun ki pa sitwayen, ki nan youn nan gwoup sa yo epi ki te vin rezidan pèmanan legal mwens pase 5 lane de sa:
    • Refijye yo
    • Moun ki resevwa azil
    • Viktim trafik sètifye yo ak mari oswa madanm yo, pitit yo, frè ak sè yo, oswa paran yo
    • Veteran oswa militè aktif ak mari oswa madanm oswa moun ki sou kont yo ki pa marye epi ki gen estati kalifye pou moun ki pa sitwayen
    • Imigran Ameriken Azyatik yo
    • Imigran espesyal ak moun ki an libète kondisyonèl Irakyen ak Afgan
    • Moun ki te jwenn libète sou kondisyon pou antre Ozetazini ant 24 fevriye 2022 ak 30 septanm 2024 anba pwogram Libète Sou Kondisyon Imanitè Ikrenyen an (UHP)
    • Moun ki pa gen dwa pou rete nan detansyon
  • Moun ki pa sitwayen legalman prezan epi ki:
    • Ansent, oubyen
    • Mwens pase 21 lane
  • Patisipan Kiben/Ayisyen yo
  • Imigran Akò Lib Asosyasyon (COFA), ki gen ladan moun ki soti Mikwonezi, Zile Marshall ak Palau
  • Timoun ki poko gen 19 lane, kèlkeswa sitiyasyon imigrasyon yo
  • Viktim vyolans domestik, k’ap aplike anba Lwa sou Vyolans Kont Fanm, ki pa t’ ajiste pou yo vin Rezidan Pèmanan Legal oswa ki te ajiste pou yo vin Rezidan Pèmanan Legal mwens pase 5 lane de sa
  • Moun ki te gen libète sou kondisyon pou rezon imanitè tanporè (moun ki te gen libète sou kondisyon pou antre Ozetazini pou omwen yon lane)
  • Moun ki pa sitwayen nan gwoup sa yo ki pa fè ajisteman pou stati Rezidan Pèmanan Legal:
    • Refijye yo
    • Moun ki resevwa azil
    • Viktim trafik sètifye yo ak mari oswa madanm yo, pitit yo, frè ak sè yo, oswa paran yo
    • Veteran oswa militè aktif ak mari oswa madanm oswa moun ki sou kont yo ki pa marye epi ki gen estati kalifye pou moun ki pa sitwayen
    • Moun Irak ak Afgan ki te antre sou kondisyon
    • Moun ki te jwenn libète sou kondisyon pou antre Ozetazini ant 24 fevriye 2022 ak 30 septanm 2024 anba pwogram Libète Sou Kondisyon Imanitè Ikrenyen an (UHP)
    • Moun ki pa gen dwa pou rete nan detansyon

Tanpri tcheke paj sa a souvan pou dènye nouvèl ak kijan ou ka prepare w’.

1 Janvye 2027

Gen kèk adilt ki pral oblije travay, fè volontarya, oswa al lekòl pou yo kenbe asirans yo oswa kalifye pou NJ FamilyCare/Medicaid. Manm sa yo dwe renouvle pwoteksyon yo chak 6 mwa tou (olye de chak 12 mwa).

Anpil manm ka pa oblije travay, fè volontarya, oswa al lekòl, men yo ka toujou oblije renouvle pwoteksyon yo chak 6 mwa.

Apati 2027, NJ FamilyCare ap verifye egzijans sa yo lè w’ap aplike oswa renouvle pwoteksyon w’ lan.

Èske mwen oblije travay, fè volontarya, oswa al lekòl?

Ou ka oblije travay, fè volontarya, oswa al lekòl si nenpòt nan sitiyasyon sa yo dekri ou: Ou ka PA oblije travay, fè volontarya, oswa al lekòl si nenpòt nan sitiyasyon sa yo dekri ou:
  • Yon adilt ki gen laj 19-64 lane
  • Enskri nan yon plan kalite ABP (Plan Benefis Altènatif)

Gade anba a pou wè kijan pou verifye kalite plan ou an.

Kisa sa vle di: Si sa dekri ou, ou ka bezwen travay, fè volontarya, oswa al lekòl pou kalifye pou asirans lan.

NJ FamilyCare ka mande w’ pou ou bay dokiman ki montre prèv travay, travay volontè, oswa enskripsyon nan lekòl.
  • Timoun ki gen 18 lane oswa mwens
  • Manm ki Aje, Avèg, Andikape (ABD)
  • Paran oswa moun k’ap bay swen a yon:
    • Timoun ki poko gen 14 lane
    • Moun andikape
  • Moun ki gen yon pwoblèm sante fizik grav, yon pwoblèm sante mantal grav, oswa yon moun ki gen yon pwoblèm itilizasyon/depandans sibstans
  • Satisfè egzijans travay asistans manje SNAP yo
  • Ansent
  • Nan 1 lane apre akouchman (apre yon gwosès te fini)
  • Jèn moun ki poko gen 26 lane oswa ki te nan yon fanmi adoptif kounye a
  • Kounye a oswa dènyèman nan prizon

Kisa sa vle di: Si sa dekri ou, ou ka pa bezwen travay, fè volontarya, oswa al lekòl pou kalifye pou asirans lan

NJ FamilyCare ka mande w’ pou ou bay dokiman ki pwouve sitiyasyon w’ lan.


Èske mwen oblije renouvle asirans mwen chak 6 mwa?

Ou ka oblije renouvle asirans ou chak 6 mwa si nenpòt nan sitiyasyon sa yo dekri ou: Ou ka PA oblije renouvle asirans ou chak 6 mwa si nenpòt nan sitiyasyon sa yo dekri ou:
  • Yon adilt ki gen laj 19-64 lane
  • Enskri nan yon plan kalite ABP (Plan Benefis Altènatif)

Gade anba a pou wè kijan pou verifye kalite plan ou an.
  • Timoun yo
  • Pifò Manm ki Aje, Avèg, Andikape (ABD)

Tanpri tcheke paj sa a souvan pou jwenn dènye nouvèl sou chanjman federal yo.


Ki kote mwen ka verifye / jwenn kalite plan mwen an?

  • Rele nimewo sèvis manm ki sou do kat idantifikasyon plan sante aktyèl ou a.
  • Tcheke devan kat idantifikasyon plan sante w’ la – gade enstriksyon ki anba yo:
    • Si ou enskri nan Aetna, ou p’ap kapab itilize metòd sa a. Tanpri rele nimewo sèvis manm ki sou kat idantifikasyon plan sante ou la.
    • Si ou enskri nan Fidelis Care, UnitedHealthcare, Horizon, oubyen Wellpoint, tanpri gade egzanp kat idantifikasyon Plan Benefis Altènatif (ABP) ki anba yo. Si li di ABP oubyen Plan Benefis Altènatif sou kat ou a, jan yo montre nan kare wouj yo nan egzanp yo, ou enskri nan plan ABP a.
Member information is centered toward the left half of the card, and copay information is grouped on the right side. The red box appears in the upper-left to middle-left area of the card, directly beneath the member name and ID number.
Fidelis Care
Member details are listed in lines across the left half of the card. The red box is located in the upper-right corner area, aligned with the “Plan” label. Inside that box, the plan is shown as “ABP.”
Horizon
The red box is located at the very bottom of the card, stretching horizontally across the right half of the card’s lower edge. It highlights a sentence that reads “NJ Alternative Benefit Plan, Underwritten by AmeriChoice of New Jersey, Inc.”
United Healthcare
The red box is positioned in the upper-left quadrant of the card, just below the logo. It highlights the text “NJ FamilyCare ABP.”
Wellpoint

Kijan NJ FamilyCare/Medicaid ap ede manm yo?

NJ FamilyCare ap travay pou kenbe pwoteksyon sante ak swen pou tout rezidan New Jersey ki kalifye yo. Pou jere chanjman yo epi pataje enfòmasyon avèk ou, NJ FamilyCare ap fè patenarya avèk ajans Leta yo, founisè swen sante yo, plan sante yo, defansè yo, ak lòt gwoup yo. Anplis de sa, NJ FamilyCare ap envesti nan teknoloji epi amelyore pwosesis li yo pou fè aplikasyon ak renouvèlman pi fasil e pi fyab.

Lè moman an rive pou ou renouvle, NJ FamilyCare pral revize enfòmasyon ou yo pou wè si pwoteksyon ou ka kontinye yon fason otomatik.

  • Si NJ FamilyCare deja gen enfòmasyon li bezwen yo, w’ap resevwa yon lèt ki di w’ yo renouvle pwoteksyon w’ lan.
  • Si NJ FamilyCare bezwen plis enfòmasyon, ou ap resevwa yon lèt demann enfòmasyon oswa yon pake renouvèlman. Tanpri reponn pi vit posib pou evite yon mank enfòmasyon.

Kijan ou ka prepare pou chanjman yo?

  • Kontinye sèvi ak avantaj NJ FamilyCare ou yo epi ale nan randevou ou yo.
  • Mete enfòmasyon kontak ou yo ajou pou ou pa rate mesaj enpòtan yo. Rele Sèvis Kliyan NJ FamilyCare nan 1-800-701-0710 (TTY: 711) si adrès ou oswa nimewo telefòn ou chanje.
  • Siveye lèt, imèl, oswa tèks ki soti nan NJ FamilyCare oswa plan sante ou a.
  • Louvri epi reponn tout imèl ki soti nan NJ FamilyCare pi vit posib.
  • Aplike oswa renouvle pwoteksyon ou menm si ou panse ou ka pa kalifye ankò.
  • cheke sit entènèt sa a souvan. NJ FamilyCare ap pataje plis detay lè yo vin disponib.

Paj sa a te aktyalize nan dat 17 Fevriye 2026.

NJ FamilyCare logo

Return to NJ FamilyCare.org